//بداز بطريقتي//

بداز بطريقتي

نبدا معاكم على بركة الله أول حاجة خصو يكون الدقيق ديال الذرة أو باداز جديد حيث الى
قدام كيحرار و مكيبقاش نافع و ديك الساعة وخا تعجنيه كتبقا لحرورة ديالو

عندنانديرو الزيت العود هو الزيت اللي كنطيب بيه دائما
+ اللحم +البصلة+التوابل+ نخليهم يتشحرو

من بعد الى تشحر مزيان + خيزو+اللفت + الحمص

نزيدو ليه الماء طايب
ونخليوه اطيب من بعد نضيفو الكرعة الحمراء والخضراء او لكنسميوها حنا بالكورجيت
الفول

في الاخير حتى تطيب الخضرة نزيدو عليها مطيشة+الفلفل الحار+معدنوس قزبور ونخليو حتى طيب مطيشة

دبا نمشيو لطريقة بداز

ملاحضة : ملي كنديرو الخضرة في نفس الوقت كنحضرو بداز اللحم امكن ليك تديري القديد الدوارة على حسب رغبتك
نبقاو عليه بالدليك بقيت ندلك حتى سخفت و هاد الشي اللي كيعجز بزاف ديال السيدات و متيزعموش عليه لكن إلا كنتي مشهياه معليك إلا تصبري و توكلي على الله و بداي في الدليك ههههههه و الله المعين

أول حاجة نسقيه مزيان بالماء و نعطيه بالكف حتى تحسي بيه رطاب بين إيديك لكن عنداك يتعجن ليك الى ولا ليك كويرات امكن توزيه في الغربال

و ديريه يفور في الكسكاس

ملي يفور مزيان و يبدا البخار طالع من جوايه كاملين ديال الكسكاس من بعد رجعيه القصرية ديري ليه ماء الملح ثم نزيدو عليه الماء شوية بشوية و بداي ثاني في السنفونية ديال الدليك ونرجعوه يتفور مزان خليه مازال متحنيش فيه عنداك يبان ليك هاكة يبقا فيك خليك و خا يطلبك ههههه و من بعد نرجعوه عاود ونديرو ليه الزيت الرومية الى بغا باقي الماء نزيدوه

في الاخير نرجعوه في القصرية وندير ليه الزيت العود او اركان وندلكوه مزيان وهو سخون ونحطوه في القصرية نديروه فوق العافية مهيلة وحنا كنسقيو فيه
يستحسن اكله ساخن
يلا بسم الله

و بالصحة و الراحة

جميــــــــــــــــــــــــل جدا والله الى شهيتنا يا خديجة

//***بداز بطريقتي***//

//بداز بطريقتي//